газета армян России
RSS Русский   Հայերեն            
քաղաքականություն
2013թ.–ին Հայաստանի նկատմամբ թուրքական քաղաքականության մեջ գերիշխել են իմիտացիոն տարրերը, կարծում է ԵՊՀ Արևելագիտության ֆակուլտետի փոխդեկան Ռուբեն Մելքոնյանը։
Դավութօղլուն իր առջեւ դրված նպատակների մի մասը ձեռք բերեց, այսինքն` ստեղծվեց տպավորություն, դատելով համաշխարհային լրատվամիջոցների լուրերի վերնագրերից, թե իբր Հայաստանի հետ հարաբերություններ հաստատելու ինչ-որ գործընթաց կա. Yerkir.am -ի խնդրանքով մեկնաբանելով Թուրքիայի արտգործնախարարի այցը Երեւան` ասաց ՀՅԴ Հայ Դատի եւ քաղաքական հարցերի գրասենյակի պատասխանատու Կիրո Մանոյանը:
Դավութօղլուն ընդամենն ասել է տեղահանություն, իսկ դրա մեջ ոչ մի նորություն չկա. Yerkir.am-ին այսօր ասավ ՀՅԴ Հայ Դատի եւ քաղաքական հարցերի գրասենյակի պատասխանատու Կիրո Մանոյանը' անդրադառնալով Թուրքիայի արտգործնախարարի' թուրքական լրատվամիջոցներով տարածված խոսքերին:
Ռուսական Արզամաս քաղաքի հայերը վախով են սպասում շաբաթ օրվան, երբ նշվելու է սպանված Ալեքսանդր Սլակաեւի մահվան 9-րդ օրը: Այս մասին NEWS.am-ի թղթակցի հետ զրույցում նշեց Նիջեգորոդյան մարզի հայերի միության նախագահ Տիգրան Շահնազարյանը:
Շուտով Չեխիայի պատգամավորների նորըտիր պալատում կձեւավորվեն միջխորհրդարանական բարեկամության խմբերը, առաջիններից մեկը՝ Հայաստանի հետ: Այս մասին դեկտեմբերի 12-ին, Չեխիայում եւ Սլովակիայում Հայաստանի դեսպան Տիգրան Սեյրանյանի հետ հանդիպման ժամանակ նշել է Չեխիայի Հանրապետության խորհրդարանի պատգամավորների պալատի նորընտիր նախագահ Յան Համաչեկը:
Դեկտեմբերի 9-ին և 12-ին ՄԱԿ-ի կենտրոնատեղիում կազմակերպվել էին Ցեղասպանության հանցագործությունը կանխարգելելու և պատժելու մասին կոնվենցիայի ընդունման 65-ամյակին նվիրված քննարկումներ, որոնց հիմնական բանախոսներն իրենց ելույթներում ընդգծել են կոնվենցիայի կարևորությունը և նշանակությունը մարդկության դեմ ծանր հանցագործությունների կանխարգելման ու դատապարտման հարցում:
Ստամբուլի հայկական «Ակոս» շաբաթաթերթի գլխավոր խմբագիր Ռոբեր Քոփթաշը Դավութօղլուի՝ հայաստանյան այցի մասին իր հրապարակման մեջ գրել է, թե Դավութօղլուի առաջնային նպատակը Հայաստանի հետ սահմանի բացումը չէր։
Թուրքիայի ԱԳ նախարար Ահմեդ Դավութօղլուի Հայաստան կատարած այցի նպատակը հայ–թուրքական հարաբերությունների կարգավորման գործընթացի ձևական ֆոնի ստեղծումն է, կարծում է Հայաստանի հանրապետական կուսակցության պատգամավոր Արտակ Դավթյանը։
Թուրքիայի արտգործնախարար Դավութօղլուի դեմ ՀՅԴ «Նիկոլ Աղբալյան» ուսանողական միության կազմակերպած երեկվա ակցիան հասավ իր նպատակին: Այս մասին yerkir.am-ի հետ զրույցում ասաց ՆԱՈՒՄ-ի վարչության ատենապետ Գերասիմ Վարդանյանը` նշելով, որ դրա վառ ապացույցը թուրքական և համաշխարհային ԶԼՄ-ների արձագանքն էր: Վարդանյանի խոսքով` Դավութօղլուն հյուրանոցի հետնամուտքից դուրս եկավ` վախենալով առճակատման դուրս գալ այն ժողովրդի երիտասարդ ներկայացուցիչների հետ, որին կոտորել են իր ազգակիցները:
Հայաստանը նախաձեռնեց ֆուտբոլային դիվանագիտության գործընթացը, արդյունքում երկար ժամանակ կորցրինք, իսկ Թուրքիան շահեկան վիճակում հայտնվեց։ Այս մասին այսօր՝ դեկտեմբերի 13-ին, լրագրողների հետ հանդիպմանն ասաց «Ժառանգության» փոխնախագահ Արմեն Մարտիրոսյանը։
Թուրքիայում Հայկական հարցի մասին գրող ուսանողներին ու ասպիրատներին հաշվառելու մասին հայկական «Ակոս»-ի հրապարակումը մեծ արձագանք է գտել։ Թեմայի շուրջ մեկնաբանություն է տվել Թուրքական պատմագիտական ընկերության նախագահ Մեթին Հուլագուն։
Սևծովյան տնտեսական համագործակցության կազմակերպության արտգործնախարարների հանդիպմանը մասնակցելու նպատակով երեկ Երևան ժամանած Թուրքիայի արտգործնախարար Ահմեդ Դավութօղլուն հանդես է եկել մի շարք հայտարարություններով. հայտնում է Hurriyet.com-ը:
Թուրքիայի վարչապետ Ռեջեբ Թայիբ Էրդողանը, տեղեկանալով հայտնի հարավաֆրիկացի առաջնորդ Նելսոն Մանդելայի մահվան մասին, Հարավային Աֆրիկա հեռագիր է ուղարկել, սակայն որոշել է չմեկնել Սոուետո՝ թաղման արարողությանը մասնակցելու: Այդ մասին է գրում «Tablet Magazine»-ը:
Թուրքիայի արտգործնախարար Ահմեդ Դավութօղլուի այցը Հայաստան հինգ տարվա ընթացքում այդ երկրի ներկայացուցչի առաջին բարձր մակարդակի այցն է. այն վերածնեց պատմականորեն միմյանց թշնամի երկրների միջեւ խաղաղ ջանքերի հեռանկարը, որը 2010թ.-ին մտել էր փակուղի: Նման մեկնաբանությամբ է հանդես եկել Reuters լրատվական գործակալությունը:
Կարնեգի հիմնադրամի Կովկասի հարցերով ավագ գիտաշխատող Թոմաս դե Վաալը մեկնաբանել է Թուրքիայի ԱԳ նախարար Ահմեդ Դավութօղլուի այցը «Երեւանում, տհաճ իրավիճակում» հոդվածում:
Թուրքիայի արտգործնախարար Ահմեդ Դավութօղլուի հետ հանդիպման ժամանակ Էդվարդ Նալբանդյանը վերահաստատել է Հայաստանի սկզբունքային դիրքորոշումը հայ-թուրքական  հարաբերությունների առանց նախապայմանների կարգավորման վերաբերյալ։
Թուրքիայի ԱԳ նախարար Ահմեդ Դավութօղլուն հայտարարել է, թե մամուլում հայտնված այն տեղեկությունները, թե հայ-թուրքական հարաբերությունների կարգավորման համար նախապայման է ներկայացվել ազատագրված 2 շրջանի հանձնումը, սպեկուլյացիա է: Չնայած այս հայտարարությանը, Դավութօղլուն իր խոսքում կրկին շեշտել է, թե Կովկասում  համագործակցության համար անհրաժեշտ է լուծել սառեցված խնդիրները:
Ռուսաստանի Արզամաս քաղաքում մթնոլորտը վերջին երկու օրերին կայունացել է, բայց այդ մթնոլորտը փոթորկից առաջ հանգստություն է հիշեցնում: Եւ դա իզուր չէ, դեկտեմբերի 14-ին քաղաքի հրապարակում պատրաստվում են հավաքվել ոչ թե հարյուր մարդ, ինչպես դեկտեմբերի 9-ին, այլ հազարավորներ: Ամեն դեպքերում, սոցիալական ցանցերի խմբերից մեկում այդ ակցիային մասնակցելու ցանկություն է հայտնել 12 հազար մարդ, հաղորդում է «Կոմսոմոլսկայա պրավդա»-ն:
Թուրքիայի ԱԳ նախարար Ահմեդ Դավութօղլուն շնորհավորել է Հայաստանին՝ ՍՏՀԿ-ում հաջող նախագահության համար: Այս մասին ասվում է նախարարի ելույթի ամբողջական տեքստում, որը հրապարակվել է Թուրքիայի ԱԳՆ կայքում:
Հայոց ցեղասպանության ճանաչման դեմ ակտիվ պայքար մղող  Թուրքական պատմագիտական ընկերությունը Թուրքիայի բարձրագույն կրթական խորհրդի միջոցով  թուրքական համալասարաններին գրություն է ուղարկել՝ պահանջելով Հայկական հարցի շուրջ աշխատող ուսանողների, ասպիրանտների անունները, նրանց աշխատանքների վերնագրերը եւ նրանց հետ կապ հաստատելու միջոցները։







Մոնրեալում 3-րդ անգամ կազմակերպված այս քայլերթին մասնակցել են Ցեղասպանություն վերապրած ազգերի ներկայացուցիչները, նաեւ բարձրաստիճան պաշտոնյաներ, այդ թվում Մոնրեալի քաղաքապետը: Մանրամասները՝ տեսանյութում:




 
  Яндекс цитирования



Загрузка...