Դեկտեմբերի 12-ին տոնական համերգով կեզրափակվի Սայաթ-Նովայի 300-ամյակին նվիրված` այս տարվա միջոցառումների ցանկը. լրագրողների հետ զրույցում տեղեկացրեց ՀՀ ժողովրդական արտիստ Թովմաս Պողոսյանը:

«Genex» ֆիլմի ռեժիսորը, որը պետք է թողարկվեր 2015-ին՝ Ցեղասպանության հարյուրամյակի կապակցությամբ, դեռեւս սպասում է Հայաստանի մշակույթի նախարարության պատասխանին: Այս մասին NEWS.am-ի թղթակցին է հաղորդել փարիզյան լրագրող Ժան Էկիյանը:

Դեկտեմբերի 7-ին Պրահայում Հայաստանի դեսպանությունում կազմակերպվեց Սպիտակի երկրաշարժի 25-ամյակին նվիրված հուշ-երեկո: Բացման խոսքով հանդես եկավ Չեխիայում ՀՀ դեսպան Տիգրան Սեյրանյանը, ով մասնավորապես նշեց. «Սպիտակի աղետալի երկրաշարժի օրերին Հայաստանին օգնության ձեռք մեկնեցին աշխարհի բազմաթիվ երկրներ, այդ թվում՝ բարեկամ չեխ ժողովուրդը։ Մեզ հետ են այսօր նրանք, ովքեր կազմակերպել են այդ օգնությունը, եւ ես Հայաստանի Հանրապետության անունից իմ խորը երախտագիտությունն եմ հայտնում նրանց»: Այնուհետեւ նա ընթերցեց ...

«Էրեբունի» պատմահնագիտական արգելոց-թանգարան է այցելել ֆրանսահայ ճանաչված պարֆյումեր Ֆրանսիս Քյուրքչյանը: Էրեբունի ամրոցի հիմնադրման և կործանման պամությունը հետաքրքրել է արվեստագետին և նա ամենայն հետաքրքրությամբ է ծանոթացել թե հնավայրին և թե թանգարանի ցուցադրությանը: Ինչպես «Արմենպրես»-ին տեղեկացրին «Էրեբունի» արգելոց-թանգարանից, Քյուրքչյանը պատմել է ֆրանսիական թանգարանների հետ իր համագործակցության և մշակութային արտադրանքներ թողարկելու աշխատանքների մասին: Ծանոթանալավ թանգարանի հուշանվերների կրպակին` ...

Քալիֆորնիայի Գլենդել քաղաքում դեկտեմբերի 12-ին կկայանա «Սփյուռքի հայ նկարիչների եւ գրողների առջեւ ծառացած մարտահրավերները» թեմայով քննարկում։ Այդ մասին հայտնում է Գլենդելի ArmenianCalendar.com տեղեկատվական կայքը: Քննարկմանը կմասնակցեն դերասան, դրամատուրգ եւ գեղանկարիչ Վահե Բերբերյանը, գրող Արիս Ջանիկյանը, լուսանկարիչ Արա Օշականը, դերասանուհի եւ դրամատուրգ Լոռի Թաթուլյանը:

Նյու Յորք նահանգի Իթաքա քաղաքի Քորնելի համալսարանում կրթաթոշակակիր հետազոտողները, ասպիրատներն ու քաղաքի գիտական ընկերակցության անդամները կձգտեն տեղի ուսանողների շրջանում խթանել հետաքրքրությունն օտար լեզուների նկատմամբ: Այս մասին գրում է «Cornell Chronicle»-ը:

Լոնդոնում ՀՀ դեսպանության կողմից, Բրիտանահայկական միջխորհրդարանական խմբի փոխնախագահ Ջոն Ուիթինգդեյլի հովանավորությամբ, ՄԹ Համայնքների պալատի Չերչիլ սրահում« դեկտեմբերի 4-ին, կազմակերպվել է հայկական «Արարատ» կոնյակի համտեսում։ Միջոցառմանը ներկա էին ՄԹ լորդերի եւ համայնքների պալատների տասնյակ անդամներ, Լոնդոնում հավատարմագրված դիվանագետներ, բրիտանահայ համայնքային կառույցների եւ երիտասարդական կազմակերպությունների ղեկավարներ եւ ներկայացուցիչներ։

Այսօր, դեկտեմբերի 7-ին Ախալցխայի Հայկական Երիտասարդական Կրթամշակութային Կենտրոնի նախաձեռնությամբ անցկացվեց 1988թ.  Սպիտակի ավերիչ երկրաշարժի զոհերի հիշատակին նվիրված միջոցառում:

Գրականագետ Դավիթ Գասպարյանն այսօր լրագրողների հետ հանդիպմանը կրկին բարձրացրեց իր` «Գիրք մնացորդացի» հարցը` նշելով, որ այն շարունակում է մնալ կալանքի տակ` Չարենցի թանգարանում` Չարենցի դստեր պահանջով:

Դեկտեմբերի 5-ին հանդիսավոր պայմաններում մարվել է Ջորջ Բայրոնի ծննդյան 225-ամյակին նվիրված նամականիշ: Մարումն իրականացրեցին ՀՀ-ում Մեծ Բրիտանիայի արտակարգ եւ լիազոր դեսպան Ջոնաթան Էյվսը, Հայաստանի ֆիլատելիստների միության նախագահ Հովիկ Մուսայելյանը եւ «Հայփոստ Թրասթ Մենեջմենթի» գլխավոր տնօրեն Խուան Պաբլո Գեչիջյանը:

Երեկ Արամ Խաչատրյանի անվան համերգասրահում օպերային երաժշտության երեկո էր: Հայաստանի պետական երիտասարդական նվագախմբի հետ /գեղարվեստական ղեկավար եւ գլխավոր դիրիժոր` Սերգեյ Սմբատյան/ հանդես եկան մեներգիչներ Մարինա Նաչկեբիան /սոպրանո, Վրաստան/ եւ Գրիգոր Վերները /բարիտոն, Ռուսաստան/: Երեկոյի ընթացքում հնչեցին նախերգանքներ եւ արիաներ իտալական, ռուսական օպերաներից։

2013 թ-ին լրանում է լեգենդար երգչուհի Մարիա Կալասի ծննդյան հոբելյանական 90-ամյակը: Այդ առիթով ամբողջ աշխարհում այս տարվա ընթացքում տեղի են ունեցել Կալասին նվիրված միջոցառումներ, հաղորդում է Հայաստանում Հունաստանի դեսպանության մամուլի ծառայությունը:

Խորհրդային կոմպոզիտոր Տիխոն Խրեննիկովի 100–ամյակի պատվին համերգ կկայանա Երևանի «Մոսկվայի Տուն» Մոսկովյան մշակութային–գործարար կենտրոնում, հայտնում է Կենտրոնի մամուլի ծառայությունը։

Բաս բարիտոն Մուրադ Ամիրխանյանը դեկտեմբերի 8-ին Փարիզի «Գավո» համերգասրահում համերգ կտա՝ նվիրված  1988թ. Սպիտակի երկրաշարժի զոհերի հիշատակին: Այդ մասին գրում է «Nouvelles d'Arménie» ամսագիրը:

«Գրեմմի»-ի բազմակի մրցանակակիր, ճանաչված ջութակահար եւ դիրիժոր Պինկաս Ցուկերմանի եւ աշխարհահռչակ «Կամերատա Զալցբուրգ» նվագախմբի համատեղ ելույթը տեղի կունենա Երեւանի Արամ Խաչատրյանի անվան մեծ համերգասրահում՝ դեկտեմբերի 11-ին «Երեւանյան հեռանկարներ» փառատոնի 14-րդ համերգաշարի ավարտին:

Դեկտեմբերի 14-ին Արամ Խաչատրյանի անվան համերգասրահում տեղի կունենա անվանի ջազ դաշնակահար Տիգրան Համասյանի համերգը:

Երեքշաբթի Ազգային ժողովում տեղի է ունեցել ռուսական գրքի գրադարանի և հայ-ռուսական բարեկամության խորհրդարանական ակումբի հանդիսավոր բացումը, հաղորդում է օրենսդիր մարմնի մամուլի ծառայությունը։

Ֆրանսիայում Թուլուզի հայկական հայրենակցական կազմակերպությունը ամեն տարի երեխաների համար համերգ է կազմակերպում: Եկամուտը, որը 18 տարվա ընթացքում կազմել է 380 հազար եվրո, հավասարապես բաժանվում է տեղական կազմակերպությունների ու հայաստանյան կազմակերպությունների միջեւ: Այդ մասին գրում է «La Dépêchedu Midi»-ն:

Ֆրանսիայում հրապարակվել է Բորիս Աճեմյանի «Նեգուսի փողային նվագախումբը. հայերը Եթովպիայում(XIX–XX դարեր)» գիրքը՝ այդ աֆրիկյան երկրում հայերի յուրահատուկ դերի մասին: Այդ մասին գրում է «Nouvelles d'Arménie» ամսագիրը:Հաճախ են ասում, որ «բոլորից շատ հայերն են մոտ եթովպացիներին», որ, ի տարբերություն Եթովպիայում սպիտակամորթների մեծամասնության, նրանց օտարերկրացիներ չէին համարում:

Ամերիկայի Հայ Դատի գրասենյակը կցուցադրի որբ հայ երեխաների գորգի «քույր» գորգն իր ամենամյա ընդունելության ժամանակ դեկտեմբերի 5-ին Մասաչուսեթս նահանգի Բոսթոն քաղաքում: Այդ մասին NEWS.am-ին հաղորդել են Ամերիկայի Հայ Դատի գրասենյակի մամուլի ծառայությունից: «Նախագահ Քալվին Քուլիջն ու հայ որբերի գորգը» գրքի հեղինակ, դոկտոր Մարտին Դերանյանը հատուկ հյուր կլինի ու կպատմի հազիրյան գորգի մասին, որը հայտնի է հայ որբերի գորգ անվամբ, ինչպես նաեւ հայ որբերի գորգի «քույր» գորգի մասին ու դրանց ճակատագրի յուրահատուկ ...