Վրացական եկեղեցին ողջունում է երկրի եւս չորս կրոնական համայնքների ֆինանսավորման մասին կառավարության որոշումը՝ «որպես արդարության վերականգնման դրսեւորում»։
Հիշեցնենք, հունվարի 27-ին կառավարությունը կրոնական չորս համայնքներին պետական ֆինանսավորում հատկացնելու որոշում էր կայացրել՝ Հայ առաքելական ուղղափառ սուրբ եկեղեցու վիրահայոց թեմին, Վրաստանի մահմեդականների հոգեւոր միաբությանը, Կաթոլիկ եկեղեցուն եւ Հուդայականների միությանը:
Վարչապետ Իրակլի Ղարիբաշվիլին նման որոշման պատճառ էր նշել այդ կրոնական համայնքներին ԽՍՀՄ ժամանակներում ենթարկված «հետապնդումների» համար «փոխհատուցելն» է։ Ֆինանսավորումը կկազմի 4,5 միլիոն լարի (2,5 միլիոն դոլար):
Նշենք, որ Վրաց ուղղափառ եկեղեցին երկրի միակ հոգեւոր միավորումն է, որը ֆինանսավորում է ստանում պետբյուջեից: 2014թ. բյուջեն նախատեսում է ՎՈՒԵ-ին հատկացնել 25 միլիոն լարի (14 միլիոն դոլար), հայտնում է «Գռուզիա Online»-ը: