Նոր տարին, եթե անգամ չենք կարող դիմավորել եկեղեցում, ապա շատ կարեւոր է թեկուզ տանը Նոր տարին դիմավորել աղոթքով: Այս մասին այսօր ` դեկտեմբերի 18-ին հրավիրված ասուլիսին ասաց Տեր Եսայի քահանա Արթենյանը:
«Մենք նախորդ տարի ունեցանք նման փորձ եւ հուսով ենք այս տարի էլ կլինի: Նոր տարվա գիշերը բացի այն, որ մարդիկ պետք է բաժակ-բաժակի խփեն եւ շնորհավորեն մեկը մյուսին, նախորդ տարի աղոթքներ էինք բաժանել, որպեսզի ովքեր, որ ցանկանում էին Նոր տարին դիմավորեին աղոթքով»,- ասաց Տեր Եսային:
Նա նշեց, որ իրենց եկեղեցում ամանօրյա միջոցառումների հիմքում դրված է Սուրբ Ծննդի հեքիաթի խորհուրդը: ինչ վերբում է կենդանեկերպի նշաններին, քահանան ասաց, որ շատ անտարբեր է վերաբերում դրան: «Սիմվոլիկ կարելի է ասել, որ գալիս է ձիու տարի, բայց դրա մեջ դնել իմաստ, արդեն սինոտիապաշտություն է եւ հակառակ քրիստոնեությանը»,- ընդգծեց Տեր Եսային: Նա միաժամանակ ավելացրեց, որ նախորդ տարվա բացթողումները գալիս են սիրո պակասից: Հետեւաբար, եթե մենք կարողանանք մի քիչ ավելի շատ սիրել առաջիկա տարում, շատ ավելի մարտահրավերներ եւ խոչընդոտներ կարող ենք հաղթահարել: