«Ֆրանսիայի Ազգային ասամբլեան ընդունել է օրենք՝ նախատեսող քրեական պատասխանատվություն Հայոց Ցեղասպանության հերքման համար: Կարծում եմ, որ դա մեծ նվաճում է եւ այն անպայման շարունակություն կունենա... Բայց մենք չպետք է հանգստանանք… Մենք պետք է շնորհակալ լինենք Ֆրանսիային, բայց միաժամանակ պետք է հարցնենք Ռուսաստանին, թե ինչու այդ օրենքը չի ընդունվել Պետական Դումայի կողմից: Ռուսաստանը առաջինը պետք է ընդուներ նման օրենք», – ասել է լեգենդար հայ մշակույթի գործիչ, ԽՍՀՄ ժողովրդական արտիստ Սոս Սարգսյանը Voskanapat.info պորտալին տված հարցազրույցում:
ՍոսՍարգսյանի կարծիքով՝ այն փաստը, որ Հայոց Ցեղասպանության հերքման քրեականացման մասին օրենքը առաջինը ընդունել է ոչ Ռուսաստանը, ճշմարտությունից եւ արդարությունից Մոսկվայի շեղումն է, քանի որ ռուս պատմաբանների ահագին բանակը լավ գիտե Հայոց Ցեղասպանության իսկական աստառը: «Առաջին Համաշխարհային պատերազմի ժամանակ գերմանական դիվանագետները ասել են թուրքերին, որ հայերը ռուսների կողմն են: Եւ Անգլիան, եւ Գերմանիան ոչինչ չեն արել, որպեսզի պաշտպանեն մեզ միայն այն պատճառով, որ մենք իրոք ռուսների կողմն ենք եղել: Պետք է կարողանալ ընդունել ճշմարտությունը: Ոչ վերջին հերթին մեզ կոտորել են հենց այն պատճառով, որ մենք անկեղծաբար համակրել ենք ռուսներին: Այն փաստը, որ Հայոց Ցեղասպանության հերքման քրեականացման մասին օրենքը առաջինը ընդունել է ոչ Ռուսաստանը, ճշմարտությունից եւ արդարությունից Մոսկվայի շեղումն է: Կարելի է առարկել՝ ասելով, որ հայկական կազմակերպությունները Ռուսաստանում լավ չեն աշխատում, որ նրանք չեն հայտնում ի գիտություն Ռուսաստանի պառլամենտականներին պատմական ճշմարտությունը, սակայն այդ ամեն ինչը ճիշտ է միայն կիսով չափ: Ճշմարտությունը նրանում է, որ ռուս պատմաբանների ահագին բանակը լավ գիտե Հայոց Ցեղասպանության իսկական աստառը»: