Թուրքիայում մոտեցող ՏԻՄ ընտրություններին ընդառաջ հերթական հայ կինն է ներկայացվել քաղաքապետի թեկնածու։
Թուրքիայում նոր կազմավորված «Ժողովուրդների դեմոկրատական» (HDP) կուսակցությունը Հաթայ նահանգի Սամանադաղի քաղաքապետի թեկնածու է առաջադրել ազգությամբ հայ Լոռա Բայթարին (Չափար)։
Լոռա Բայթարը 2013-ին ամուսնացել էր Թուրքիայի միակ հայկական գյուղի՝ Վագըֆի (Վաքըֆլը) Սուրբ Աստվածածին եկեղեցու խորհրդի նախագահ Ջեմ Չափարի հետ։
Մինչ այս, HDP-ն Ստամբուլի Բաքըրքյոյի քաղաքապետի թեկնածու էր առաջադրել Նվարդ Բաքըրջըօղլուին։
HDP-ն իր թեկնածուներին ներկայացնում է համանախագահության սկզբունքով, այսինքն, մեկ տղամարդ եւ մեկ կին։ Պաշտոնապես ընտրվում է մեկը, սակայն ընտրվելու պարագայում կառավարումն իրականացվելու է համանախագահության սկզբունքով։