Հայաստանում տեղի կունենա հերթական համահայկական «Իմ Հայաստան» փառատոնը

Հայաստանում տեղի կունենա հերթական համահայկական «Իմ Հայաստան» փառատոնը: Որոշումը կայացվել է կառավարության այսօրվա նիստի ժամանակ:

Հուլիսին կայանալիք փառատոնի շրջանակներում ծրագրվում է կազմակերպել Հայաստանի ու Արցախի պարային համույթների ելույթները: Հայաստանի ու սփյուռքի հյուրերը կայցելեն պատմական ու մշակութային հուշարձաններ, կհանդիպեն պետական ու հասարակական, մշակութային գործիչների հետ: Օգոստոսին կկայանան վոկալային անսամբլների ելույթները: Սեպտեմբերին կանցկացվի դուդուկի եւ մյուս երաժշտական գործիքների փառատոն: