Գիտնականները, ովքեր զբաղվում են ցեղասպանությունների հարցերով, բաց նամակ են հղել Շվեյցարիայի արդարադատության նախարար Սիմոնետ Սոմարուգային՝ Դողու Փերինչեքի գործի առթիվ:Իրենց նամակում գիտնականները նշում էն Մարդու իրավունքների եվրոպական դատարանի որոշման պատմական ու հայեցակարգային թերությունների մասին:
Նրանք նաեւ կոչ են անում Շվեյցարիայի կառավարությանը հայցել դատարանի որոշման վերաքննություն, հաղորդում է Armenian Weekly-ն:Մյուսների շարքում նամակի տակ ստորագրել է հայտնի թուրք պատմաբան Տաներ Աքչամը: Ստորագրողների ցուցակում ավելի քան 30 անուն կա:Հիշեցնենք, որ ՄԻԵԴ-ը բավարարել է հակահայ թուրք գործիչ Դողու Փերինչեքի հայցն ընդդեմ Շվեյցարիայի՝ իր որոշումը հիմնավորելով խոսքի ազատության սկզբունքով: Թուրքիայի Աշխատավորական կուսակցության նախագահ Դողու Փերինչեքը 2008թ.-ին Շվեյցարիայում դատապարտվել էր Հայոց ցեղասպանության փաստը հրապարակայնորեն ժխտելու համար:
Լուրեր Հայաստանից — NEWS.am
