Դեկտեմբերի 10-ին տեղի է ունեցել «Արդար Ռուսաստան» կուսակցության համագումարը, որը հրավիրվել է ՌԴ նախագահի թեկնածու առաջադրելու օրակարգով:
Դեկտեմբերի 15-ին ժ. 14:00 ՀՀ ԳԱԱ նախագահության նիստերի դահլիճում կմեկնարկի ՀՀ սփյուռքի նախարարության, ՀՀ գիտությունների ազգային ակադեմիայի, Երևանի պետական համալսարանի և «Նորավանք» գիտակրթական հիմնադրամի նախաձեռնությամբ կազմակերպված «Գարեգին Նժդեհի գործունեությունը Սփյուռքում» խորագրով գիտաժողովը` նվիրված մեծ զորավար և գաղափարախոս Գարեգին Նժդեհի 125-ամյակին:
Նոյեմբերի 29-ին Մոսկվայի «Ռոլան» կինոթատրոնում կայացել է «Հավերժական կտակ» վավերագրական կինոնկարի անդրանիկ ցուցադրումը՝ Արցախյան պատերազմի հերոս, պահեստային մայոր, Արցախի Մարտական Խաչի շքանշանի ասպետ Պավլիկ «Ապարանցի» Մանուկյանի մասնակցությամբ:
Այս տարի Ուկրաինայի և Հայաստանի երաժշտական հասարակությունը նշում է հայտնի հայ կոմպոզիտոր, կատարող և երաժշտավար Ալեքսանդր Սպենդիարյանի ծննդյան 140-ամյակը: Ինչպես Ռուսաստանի հայերի «Երկրամաս» թերթի Լրատվական Կենտրոնին հաղորդեց Ուկրաինայի հայերի միության ներկայացուցիչ Սամվել Ազիզյանը, հոբելյանական տոնակատարություններ անցկացվել են նաև կոմպոզիտորի ծննդավայրում՝ Ուկրաինայի Կախովկա քաղաքում, որտեղ 1871 թվականին ծնվել է Սպենդիարյանը, որտեղ անցել է նրա մանկությունը: Կոմպոզիտորի ծննդյան 140-ամյակին նվիրված երաժշտական-լուսավորչական երեկոյի անցկացման նախաձեռնողը Կախովկայի պատմության թանգարանն էր:
Սոչի քաղաքի Լազարևսկոյե միկրոշրջանում անցկացվել է Մալիշևի անվան փողոցում գտնվող թիվ 15 տան բնակիչների տոնը՝ նվիրված Մեծ Հայրենական Պատերազմից հետո Սոչիում ապրած Խորհրդային Միության Հերոս Ա.Պ. Մալիշևի ծննդյան 85-ամյակին:
Սոչիում ստեղծվել է հասարակական միությունների Կոորդինացիոն Խորհուրդ: Ինչպես տեղեկացնում է Ռուսաստանի հայերի «Երկրամաս» թերթի Լրատվական Կենտրոնը՝ նոր հասարակական կառույցի հիմնադիրներ են դարձել քաղաքի ադիգ, հայ և հույն համայնքների շահերը ներկայացնող կազմակերպությունները՝ «Նառթ Խասէ» շափսուգական հասարակական բարեգործական մշակութային և ընկերային զարգացման հիմնադրամ (նախագահ՝ Մաջիդ Չաչուխ), Սոչիի հայերի միություն (նախագահ՝ Վալերի Թորոսյանը) և Սոչիի հույների միություն (նախագահ՝ Դմիտրի Սայտարիդի): Հասարակական միությունների Կոորդինացիոն Խորհրդի նախագահ է ընտրվել Վալերի Թորոսյանը:
