Ֆրանսիայում գործող «Sources d’Arménie» կազմակերպությունը հունվարի 25-ին Լիոնում Համահայկական բարեգործական միության շենքում կանցկացնի հայկական քաղաքակրթության մասին ֆրանսերենով նոր ինտերակտիվ կայքի՝ «Հայկական թվային կամպուսի» թողարկման հանդիսավոր արարողությունը: Այդ մասին գրում է «Nouvelles d`Arménie» ամսագիրը:
«Sources d’Arménie» կազմակերպությունը 2011թ.-ւց աշխատում է այս կայքի ստեղծման ուղղությամբ, որը յուրահատուկ գործիք է հանդիսանում դպրոցականներին, ուսանողներին եւ ավելի ընդարձակ լսարանին հայոց պատմության եւ հայ քաղաքակրթության պատմության ուսուցման համար: «Հայկական թվային կամպուսը» միավորման վերջին ձեռքբերումն է, որի գործունեության նպատակն է գիտելիքներ հաղորդել հայ քաղաքակրթության պատմության մասին՝ հրապարակումների, դասավանդման ու մասնագիտական վերապատրաստումների միջոցով: