Մոսկվայում փետրվարի 28-ին հարգել են Սումգայիթի ջարդերի հայ անմեղ զոհերի հիշատակը: Մոսկվայի Սուրբ Պայծառակերպության եկեղեցում պատարագ է մատուցվել 1988թ. Ադրբեջանի ԽՍՀ-ում փետրվարի 27-29-ին իրենց տներում անմարդկային ջարդերի զոհ դարձած հարյուրավոր անմեղ հայերի հիշատակին, նաեւ ծաղկեպսակներ են դրել:

Երեւանում փետրվարի  28-ին տեղի է ունեցել երթ՝ դեպի 1988թ սումգայիթյան ջարդերի զոհերին նվիրված խաչքար, որը գտնվում է Հայոց ցեղասպանության հուշահամալիրի տարածքում:

Թուրքիայում զավեշտները շարունակվում են. այս անգամ Ստամբուլի դատախազներից Մուրադ Ինամը Դինքի սպանության հետ կապված մի նյութի հրապարակման  համար հետաքննություն է սկսել հայկական «Ակոս» թերթի եւ մի շարք թուրքական լրատվամիջոցների դեմ։

Թուրքիայի քրդական «Խաղաղություն եւ ժողովրդավարություն» (BDP) կուսակցության ասորի պատգամավոր Էրոլ Դոռան Թուրքիայի քաղաքացիության  մասին օրենքում փոփոխություն կատարելու առաջարկով օրենսդրական փոփոխության նախագիծ է ներկայացրել երկրի խորհրդարան։

1988թ. Սումգայիթի ջարդերը խուլիգանություն չէին, այլ հայերի կազմակերպված սպանդ, ովքեր դարերով ապրում էին իրենց հայրենի հողում եւ պատահաբար հայտնվել էին 1918թ. ստեղծված Ադրբեջան պետությունում: Այս մասին փետրվարի 27-ի ասուլիսում հայտարարել է «Ընդդեմ իրավական ամենաթողության» հասարակական կազմակերպության գործադիր տնօրեն, Հայաստանի նախկին օմբուդսմեն Լարիսա Ալավերդյանը:

Ուկրաինացիների՝ հոգուտ եվրոպական զարգացման ընտրությունը, ավելի շուտ, կապված է տնտեսության հետ, քանի որ հենց Եվրոպայում եւս կան տարբեր մշակույթներ ու տարբեր կենսամակարդակ: Այս մասին այսօր կայացած մամուլի ասուլիսի ժամանակ հայտարարել է Հայաստանի ուկրաինական համայնքի նախագահ Աննա Հարությունյանը:

Պաշտոնական այցով Երեւան ժամանած Վրաստանի Նախագահ Գիորգի Մարգվելաշվիլին Հայաստանի եւ Վրաստանի բարձրաստիճան պաշտոնյաների ուղեկցությամբ այցելել է Ծիծեռնակաբերդի հուշահամալիր:

Թուրքական դատարանի կողմից 2 տարի ազատազրկման դատապարտված ստամբուլահայ հայտնի լեզվաբան Սեւան Նիշանյանին Թորբալըի թեթեւ ռեժիմով բաց բանտից տեղափոխել են ավելի խիստ ռեժիմով փակ բանտ։

Հունաստանի խորհրդարանի նախագահի այցը Հայաստան շատ արդյունավետ էր թե՛ Հայաստանի եւ Հունաստանի երկկողմ հարաբերությունների զարգացման, թե՛ հայ- հունական միջխորհրդարանական համագործակցության հետագա խորացման առումով: «Արմենպրես»-ին փոխանցմամբ` լրագրողների խնդրանքով գնահատելով Հունաստանի Հանրապետության խորհրդարանի նախագահ Վանգելիս Մեյմարակիսի երկօրյա պաշտոնական այցն, այս մաիսն նշել է ՀՀ ԱԺ փոխնախագահ, Հայաստան-Հունաստան բարեկամության խմբի ղեկավար Էդուարդ Շարմազանովը:

Թուրքիայի մարդու իրավունքների միությունը դիմել է Շվեյցարիայի արդարադատության նախարարին՝ պահանջելով բողոքարկել ՄԻԵԴ-ի կողմից Դողու Փերինչեքի գործով կայացրած տխրահռչակ որոշումը։

Ամերիկյան Հարավային Դակոտա նահանգի Ներկայացուցիչների պալատը  մերժել է հակահայկական բանաձեւի նախագիծը, որի ետեւում կանգնած էր Ադրբեջանը: Այդ մասին NEWS.am-ին հաղորդել են Ամերիկայի Հայ դատի գրասենյակի(Արեւմտյան շրջան) մամուլի ծառայությունից:

Շվեյցարիա-Հայաստանի միավորումը վերլուծության է ենթարկել Մարդու իրավունքների եվրոպական դատարանի  որոշումը Դողու Փերինչեքի գործով միջազգային հասարակական իրավունքի բնագավառում փորձագետների եւ շվեյցարական քրեական իրավունքի մասնագետներ հետ միասին ու կազմել է փաստաթուղթ: Ինչպես գրում է «Nouvelles d'Arménie»-ն, փաստաթուղթն ուղարկվել է Արդարադատության ու ոստիկանության դաշնային դեպարտամենտի ղեկավարին, Շվեյցարիայում ՄԻԵԴ ներկայացուցչին՝ կոչ անելով բողոքարկելով որոշումը:

Թուրքիայի մարդու իրավունքների միությունը (IHD) դատական հայց է ներկայացնելու օրեր առաջ «Ակոս» պարբերականի խմբագրության դիմաց «Կեցցեն Օգյուն Սամասթները, կորչեն Հրանտ Դինքերը» պաստառը պարզողների դեմ։

Սենատոր Ջոն Մակքեյնը վառ օրինակ է, թե ինչպես են Միացյալ Նահանգների պաշտոնյաները շատ հաճախ սխալ գնահատում արտաքին ճգնաժամերը, համարելով, որ որևէ երկրում ժողովրդավարություն հաստատելու լավագույն միջոցը ԱՄՆ-ի կողմից զանգվածային ռմբակոծությունն ու ներխուժումն է:

Ամերիկյան Քալիֆորնիա նահանգի օրենսդիր ժողովի անդամներ Ադրին Նազարյանն ու Քաչո Աչաջյանը նոր օրինագիծ են առաջարկվել Քալիֆորնիայի դպրոցներում Հայոց ցեղասպանության թեմայի ուսուցման վերաբերյալ: Այդ մասին գրում է «Asbarez»-ը: