Մարտի 10-ից ապրիլի 10-ը Հայաստանում մեկնարկած ֆրանկոֆոնիայի օրերի շրջանակում գրական, երաժշտական միջոցառում էր կազմակերպվել Երեւանի քաղաքապետարանի ենթակայության Մոնթե Մելքոնյանի անվան թիվ 11 հիմնական դպրոցում:

Ֆրանսիայի Վալանս քաղաքում հայկական Սուրբ Սահակ եկեղեցում, մարտի 2-ին, հոգեհանգստյան կարգ կկատարվի՝ սումգայիթյան ջարդերի զոհերի հիշատակին:

NEWS.am-ը զգալի կրճատումներով ներկայացնում է ֆրանսիական «Le Parisien» թերթում հրապարակված հոդվածը ֆրանսիական Դիմադրական  շարժման մասնակցի՝ Արսեն Չաքրյանի մասին, ով վերջին ողջ մնացածն էր Մանուշյանի հակաֆաշիստական հայտնի խմբից:

Ֆրանսիացի կոմպոզիտոր և ակորդեոնահար Ռիշար Գալիանոն մարտի 5–ին ելույթ կունենա Հայաստանի պետական կամերային նվագախմբի հետ, «Նովոստի–Արմենիա» գործակալությանը հայտնեցին նվագախմբի մամուլի ծառայությունից։

Փարիզի ամենահեղինակավոր մշակութային օջախներից մեկում` Քաղաքային Թատրոնում, փետրվարի 23-ին, տեղի ունեցավ հայտնի դուդուկահար Լեւոն Մինասյանի եւ նրա քրոջ` երգչուհի Ռոզելին Մինասյանի համերգը, որոնց նվագակցում էին Հայաստանից հատուկ այդ առիթով ժամանած երաժիշտներ։ Երաժիշտները համերգը նվիրեցին Սումգայիթյան ջարդերի զոհերի հիշատակին:

Փետրվարի 21-ին Իսի-լե-Մուլինո քաղաքի Մանուշան խմբի հրապարակում կայացավ Ֆրանսիական Դիմադրության շարժման մասնակից Միսաք Մանուշյանի և նրա խմբի անդամների` նացիստների կողմից գնդակահարման 70-րդ տարելիցին նվիրված միջոցառում, որին ներկա գտնվեցին Իսի-լե-Մուլինոյի քաղաքապետ Անդրե Սանտինին, Ֆրանսիայում Հայաստանի դեսպան Վիգեն Չիտեչյանը, Իլ-դը-Ֆրանսի տեղական ինքնակառավարման մարմինների ներկայացուցիչներ և հարյուրավոր ֆրանսիացիներ:

Փետրվարի 15-ին Ֆրանսիայի Վիեն քաղաքում տեղի ունեցավ Արցախի ազգային ազատագրական պայքարի 26-ամյակին նվիրված միջոցառում` Վիենի Հայ մշակույթի տան նախաձեռնությամբ:

Ֆրանսիայի Դրոմ եւ Արդեշ դեպարտամենտներում ֆրանսահայ վետերանների ասոցիացիան փետրվարի 21-ին, Վալանս քաղաքում կազմակերպում է կոնֆերանս «Օտարեկրացիները Դիմադրության շարժման մեջ» թեմայով: Այս մասին գրում է  «Nouvelles d'Arménie»-ն:

Փարիզի քաղաքային խորհրդի անդամ, Փարիզի 9-րդ շրջանի քաղաքապետի թեկնածու Դելֆին Բյուրկլին իր հիմնական նախընտրական  շտաբն է բացել Ռյու դե Դուեում իր նախընտրական ցուցակի մյուս ներկայացուցիչների ուղեկցությամբ, որոնց թվում Ալեքսիս Գովջյանը 4-րդ տեղն է զբաղեցնում: Այդ մասին գրում է «Nouvelles d`Arménie»-ն: Եթե թեկնածուն ընտրվի շրջանի քաղաքապետի պաշտոնում, ապա Ալեքսիս Գովջյանը կարող է զբաղեցնել փոխքաղաքապետի պաշտոնը:

Փարիզի քաղաքապետի թեկնածու Աննա Իդալգոն այցելել է Փարիզում հայկական մշակույթի տուն: Այդ մասին գրում է «Nouvelles d`Arménie»-ը: Ողջույնի իր խոսքում Հայ Հեղափոխական Դաշնակցություն կուսակցության համանախագահ Մուրադ Փափազյանը հիշեցրել է  Ֆրանսիայի սոցիալիստական կուսակցության ու ՀՅԴ-ի միջեւ խոր կապերի մասին, ինչպես նաեւ Փարիզի քաղաքապետի թեկնածուի հետ հայ համայնքի համագործակցության մասին: Նա նշել է, որ Աննա Իդալգոն  այդ աջակցությունը ժառանգել է Բերտրան Դելանոեից ու նրա խմբից, ովքեր միշտ պայքարում են հանուն ...

Ֆրանսիայում հղիության 7-րդ ամսում գտնվող հայուհին եւ նրա ընտանիքը կարող են արտաքսվել Ուազա դեպարտամենտի Սանլիս քաղաքի կացարանից, քանի որ ապաստան ստանալու նրանց խնդրանքը մերժվել է: Այս մասին գրում է ֆրանսիական «Liberation»-ը՝ վկայակոչելով France-Presse գործակալությունը:

Ֆրանսիական Բուր-լե-Վալանս քաղաքում Ժան Մուլենի անվան երիտասարդության ու մշակույթի տանը «Արմենիա» միավորման կողմից կազմակերպվել էր Հովհաննես Էքինջյանի «Եդեսիա. քրիստոնեական մարգարիտը հայ-սիրիական սահմանին» գրքի շնորհանդեսը, որն ուսումնասիրում է Ուրֆայի(Եդեսիա) պատմությունը, որտեղ Մեսրոպ Մաշտոցը հայկական այբուբենն է ստեղծել 5-րդ դարի սկզբին: Այդ մասին գրում է «Nouvelles d'Arménie»-ն:

Ֆրանսիայի հայակական կազմակերպությունների համակարգող խորհրդի ամենամյա ընթրիքն անցել է պատվելի հյուրերի ներկայությամբ: Այդ մասին գրում է «Nouvelles d`Arménie»-ն: Միջոցառմանը ներկա է եղել Ֆրանսիայի արդարադատության նախարար Քրիստիան Թոբիրան, ֆրանսիացի փիլիսոփա Բեռնար-Անրի Լեւին, ծագումով հայ աշխարհահռչակ շանսոնյե եւ Հայաստանի դեսպան Շառլ Ազնավուրը, Ֆրանսիայում Հայաստանի դեսպան Վիգեն Չիթեչյանը, այլ բարձրաստիճան անձինք ու պետությունների, կրոնների, զանգվածային լրատվամիջոցների ու քաղաքացիական հասարակության ...

Թուրքիայում Ֆրանսիայի նախագահ Ֆրանսուա Օլանդի այցից սպասվող 3 անկնալիքներից 2-ը չարդարացան։ Այս մասին, այսօր՝ հունվարի 30-ին, լրագրողների հետ հանդիպմանը նշեց թուրքագետ Անդրանիկ Իսպիրյանը։

NEWS.am-ը ներկայացնում է «Nouvelles d'Arménie»-ում հրապարակված հոդվածը, որի հեղինակն է հայ-ֆրանսիական այս պարբերականի գլխավոր խմբագիր Արա Թորանյանը: